• الكوميديان أحمد أحمد يصرّح يصرّح بعد العرض في كوميدي بود: «أفضل مسرح كوميدي قدّمت فيه في الوطن العربي، وأفضل قرين رووم في العالم».

  *ترا والله صدق قال كذا.

  

• أبوعيد رجع من السفر ويقول: «مستحيل تعرفون وين رحت».

  

• الهاشمي قرّر ينقل للرياض، وفي أول أسبوع له انسرق جواله؛ الشباب حاولوا يشرحون له أن هذي رسالة، بس هو يقول قضاء وقدر.

ختامها مسك✨

أو بلغة الكفار:  Ending on a high note

كلنا نعرف أهمية الانطباع الأول، خصوصًا للكوميديان، لازم من أول ثواني يضحّك الجمهور ويكسبهم، ولكن نهاية العرض أهم بكثيييير!

 ليش؟
 لأن النهاية هي الشي اللي يعلق بأذهان الجمهور، وهي اللي تضمن للكوميديان اللي ينهي عرضه بشكل ممتاز إنه يكسب جماهير بترجع تشوفه مرة ثانية وثالثة.🥳

وهنا يجي السؤال المهم!
وش أفضل طريقة ممكن الكوميديان يختم فيها العرض؟🤔
على حسب.. كل كوميديان عنده أسلوبه الخاص فيه، فيه كوميديانز يختمون العرض بقصة📜
وبعضهم يفضّل إنه يسوي «كول باك»، بمعنى إنه يرجع ينكّت على شي قاله خلال العرض📞
أو يقول نكتة تربط كل شي ببعض🪄
أو يكون عنده نكتة أو استراتيجية معينة خاصة فيه، ضامن إنها بتجيب ضحك💯.

والكوميديان الشاطر لابد تكون عنده القدرة إنه يلاحظ مستوى تفاعل الجمهور معاه، ويعرف متى ينهي العرض بطريقة مناسبة؛ عشان كذا مهم للكوميديان إنه يطور مهارة الارتجال عنده، ومب ضروري يلتزم بخطته الأساسية.⛷️

لو مثلًا حس إن النكت مب قاعدة تشتغل، أو الجمهور مب متفاعل، أو هو أكل صن، أو فيه بثر حاول يخرّب العرض عليه، لو مهما صار خلال العرض، لازم يختم بقوة🦾.

لو كان الجمهور متفاعل ومبسوط، وكل النكت تشتغل، وفيه نكتة جابت ضحكة قوية وياسلام لو مع صفقة، وانت عارف ككوميديان إن باقي المحتوى اللي مجهزه مستحيل يجيب ضحك أقوى من كذا، المفروض تختم العرض عشان تضمن إنك تترك الجمهور وهم ما بعد شبعوا منك🐐.

باختصار أيها الكوميديان، تعلّم متى ترحل 🍂.

- دلال القحطاني ✍️