• كنسلنا ليلة الأربعاء عشان عرس أبوعيد! وتقول مصادرنا الغير موثوقة أن في ليلة صارت في القاعة!

  

• كريم يعلّم حصة كيف تلعب فيفا 🎮، يقول أن هي تبي تتعلم، بس كلنا ندري أنه طفش من كثر ما ينهزم من العيال.

  

• أشبال البود يسجلون موادهم بالجامعة🧑🏻‍💻، وإبراهيم زعل انه مالقى مادة البدنية.

• محمد علي نزل له مقطع قصير في حسابات كوميدي بود، والمقطع جاب تفاعل مليوني 💥 ماعمره صار في تاريخ الكوميدي بود كله! الزبدة من يومها أبوسارة يحاول يقنعه يفتح فرع لكوميدي بود في السودان.

  

من وين تجي النكت؟🤔

النكت زيها زي كل الابتكارات العظيمة.. تجي بعد ملاحظة وبحث وتدقيق 📝.

كيف؟🧐
العلماء مثلاً.. يقضون وقت طويل في المختبر 👨🏻‍🔬وينظرون للأشياء من تحت المجهر 🔬عشان يشوفونها بشكل دقيق ويفهمونها ويحللونها، والكوميديان يقضي وقت طويل في ملاحظة الأشخاص والمواقف اللي حوله، ويحطها تحت المجهر ويحاول يحللها من وجهة نظره الخاصة.🕵🏻‍♂

يعني..
كل الكوميديانز عندهم نفس مستوى دقة الملاحظة، وكلهم ينظرون للعالم والكون بفضول وبراءة الأطفال👶🏻

وزي ما العالِم يبي يفهم الكون🪐، الكوميديان يبي يفهم طبيعة البشر وتصرفاتهم👀.

👨🏻‍🔬 العالِم: ليش طاحت التفاحة فوق راسي؟🍎
🤡 الكوميديان: ليش طاحت المصيبة فوق راسي؟.. أنا شدخلني!🤯

وكلهم ما تقنعهم المعلومات والحقائق الجاهزة والقوالب النمطية، فـ يبحثون عن الحقيقة بطرقهم الخاصة🤓، ينتبهون لأدق التفاصيل؛ العالِم ينشغل بالحسابات 🧮، والكوميديان يحاول يفهم ليش ولد أخته يختلف عن بنت أخوه، مع أنهم كلهم بنفس العمر!👫

وكلهم يحبون يجربون ويختبرون نتايج شغلهم ليين يوصلون لأفضل تركيبة🧪
العالم يجرب على الفيران 🐁، والكوميديان يختبر نكتته ويجربها قدام جماهير مختلفة ويعدلها لين يضبطها ويخليها تضحححّك!

وهذا الشي اللي يخلي الكوميديان يقدر يقول النكتة بدون مايضحك لأنه قالها كثير.
في النهاية، العالِم يطلع بعلاج جديد💊، والكوميديان يطلع بنكتة ويعالجك بالضحك🚑.

ومثل ما العالم الفاشل يفجر المختبر،🧨، الكوميديان الشاطر يفجر المسرح بالضحك💥.

- دلال القحطاني ✍️